Ne si Fourth Wave, e kuptojmë se progresi i vërtetë matet me mirëqenien e të gjithë anëtarëve të shoqërisë. Kjo është arsyeja pse sot kemi ndërmarrë një aksion simbolik, duke transformuar citimin ikonik të atdhetarit Isa Boletini për të pasqyruar urgjencën e trajtimit të dhunës me bazë gjinore në Kosovë. Ne e dimë se atdhetarët tanë nuk luftuan për një komb ku vajzat e gratë janë viktima të ngacmimeve, dhunës dhe femicideve.
“Unë jam mirë, kur janë mirë gratë”.
Pasi e vendosëm këtë citim të transformuar pranë shtatores së Isa Boletinit, ne jo vetëm që sot po kërkojmë që të sfidohet status quo-ja, por edhe ftojmë të gjithë në reflektim dhe veprim kombëtar.
Andaj, nëse qëndrojmë të bashkuar në këtë kauzë, ne shkojmë një hap më afër drejt një Kosove ku çdo grua mund të jetojë e lirë nga frika dhe shtypja.
