Për të parë se sa e natyrshme është të jesh amvise, tregon qartë fakti se duhen të paktën njëzet vite socializim, një trajnim i përditshëm profesional që kryhet nga një nënë e papaguar për ta përgatitur një vajzë për këtë rol, për ta bindur se burri dhe fëmijët janë gjëja më e mirë që mund të presë nga jeta e saj.
Përkundër kësaj, vështirë arritet suksesi. Pa marrë parasysh sa mirë jemi të trajnuara, të pakta janë ato gra që nuk ndihen të mashtruara kur përfundon dasma dhe e gjejnë veten para një lavamani me enë të palara.
