Fatkeqësisht, shumë gra e sidomos gratë beqare frikësohen nga ideja e pagës për punë të shtëpisë sepse tremben nga ideja se mund të identifikohen si një amvise. Ato e dijnë se ky është pozicioni me më pak pushtet në shoqëri dhe nuk e kanë kuptuar ende se ato vetë tashmë janë amvise. Kjo është edhe e meta e tyre, një e metë e cila mirëmbahet dhe shpërfaqet përmes mungesës të një vetë-identifikimi.
Ne të gjitha jemi amvise sepse pa marrë parasysh se ku jemi gjithmonë do të ketë më shumë punë për ne, më shumë frikë nga ana jonë për të vokalizuar kërkesat tona, më pak presion mbi ta për të na paguar, duke shpresuar se vëmendja jonë është diku tjetër, në atë burrin që në të tashmën apo në të ardhmën do të “kujdeset për ne”.
